التموين - طرح الكمامات و المطهرات على البطاقات التموينية لمنع الإستغلال

التموين - طرح الكمامات و المطهرات على البطاقات التموينية لمنع الإستغلال

وزير التموين: ندرس طرح الكحول والكمامات على البطاقات التموينية

بما أنها الأكثر احتياجًا في الوقت الحالي من أجل مجابهة فيروس كورونا


قال الدكتور علي المصيلحي وزير التموين والتجارة الداخلية، إنه يدرس بالفعل طرح الكحول والمطهرات والكمامات ضمن الحصة التموينية، بما أنها الأكثر احتياجًا في الوقت الحالي من أجل مجابهة فيروس كورونا، إعادة إنتاج الكحول الإيثيلى لصالح الجهات الصحية ومراقبة بيعه، وجاء ذلك ردًا على سؤال الإعلامي وائل الإبراشي، حول إمكانية تطبيق هذا الأمر.

وأضاف "المصيحلي"، خلال حواره في برنامج "التاسعة مساء"، على شاشة "التليفزيون المصري": "كلام محترم ويُدرس بالفعل، ونجتمع مع شعبة الصناعة عشان نبص على حجم الإنتاج الأول، عشان لازم يبقى الإنتاج وفير للغاية بحيث إننا نستطيع توزيعه، أنا مش عاوز أوعد بس أنا الأسبوع القادم هشوف حجم إنتاج الحاجات دي وسعرها العادل إيه عشان نقدر نتحرك في ذلك، وارد إن الكلام ده يحصل طبعا".

وعن مشكلة الزحام أمام المخابز وكيفية حل تلك الأزمة خاصة لمجابهة فيروس كورونا، رد: "هو مين اللي بيروح يعمل زحمة المواطن ولا المخبز؟ المواطن طبعا اللي مسؤول عن كده، إحنا عندنا 33 ألف مخبز على مستوى الجمهورية، لو قسمناهم على 72 مليون مستفيد من حصة الخبز، هنلاقي مثلا إن 500 أسرة لكل مخبز".

وتابع: "فيه مخابز بتشتغل من بدري، من الساعة 3 الفجر، ويبقى جاهز الساعة 7 أو 6 إنهم يعرضوا العيش على المواطنين، أول ما يفتح وقبل ما يفتح تلاقي الناس متكدسين، ليه مش عارف، نيجي نشوف على الساعة 10 الصبح نلاقيه خلص حصته، طب ما الناس لو مرحتش من بدري مش هيخلص الساعة 10".