دكتور شوقى - لأولياء أمور المدارس الخاصة بطلوا كلام عن مصروفات المدارس الخاصة ماهى لو قفلت مش هتلاقوا مدارس لأولادكم

علق الدكتور طارق شوقي، وزير التربية والتعليم والتعليم الفني، على أزمة المصروفات بالمدارس الخاصة ورغبة بعض أولياء الأمور في استرداد جزء منها بأن ذلك ليس الوقت المناسب لمناقشة هذه الأمور.

وأضاف خلال مداخلة هاتفية ببرنامج "مساء dmc" الذي يقدمه الإعلامي رامي رضوان على شاشة "dmc"، أن مصر في أزمات عدة وتهتم الدولة بالشهادات العامة مثل الإعدادية والثانوية "عندنا 20 مليون طالب عايزين نشوف مصلحتهم، وأولياء أمور المدارس الخاصة كله بيخسر، ومش وقت قضية زي مصاريف الباصات وإحنا كوزارة بنحاول نشيل المنظومة كلها، والمسألة مش بالبساطة اللي هما بيعرضوها، ولو المدرسة قفلت مش هيلاقوا مدارس".

وتابع: "الموضوع ده هيبحث بطريقة علمية، وهو قيد البحث وإحنا حريصين على المدرسة وعلى أولياء الأمور، وهي رسالة وصلتنا هنبحثها منتصف الصيف مش النهاردة".