دعم بطاقات التموين 200 جنية للفرد بحد اقصى 1000 جنية لعدد 5 افراد بالبطاقة

عقد مجلس الوزراء اجتماع برئاسة الدكتور مصطفى مدبولي رئيس مجلس الوزراء مع عدد من الوزراء حيث قدم الدكتور محمد معيط وزير المالية خلاله عرضاً حول مبادرة الرئيس عبد الفتاح السيسي رئيس الجمهورية لتشجيع المنتج المحلي وتحفيز الاستهلاك.
اهداف المبادرة
. .المبادرة تهدف إلى تشجيع المواطنين باختلاف قدراتهم المالية وشرائحهم الاجتماعية على زيادة الاستهلاك وذلك بمبلغ لا يقل عن 125 مليار جنيه
.. ستقوم الخزانة العامة بإتاحة دعم للمواطنين بمبلغ 200 جنيه لكل فرد بالبطاقات التموينية بحد اقصى 1000 جنيه للبطاقة وبتكلفة اجمالية تتخطى 12.25 مليار جنيه وذلك للمساهمة في توفير هذه السلع بأسعار مخفضة للمواطنين خلال مدة المبادرة بما يسهم في ارتفاع الرضا العام ورفع مستوى معيشة المواطن، وتشجيع المنتج المحلى
. . تحفيز الاستهلاك كمكون أساسي من مكونات نمو الناتج المحلي الإجمالي، فضلاً عما ستسهم به المبادرة من تشجيع للمصانع على زيادة الانتاج وتشغيل خطوط الانتاج بالطاقة القصوى لها وزيادة فرص العمل
.. زيادة كميات السلع المباعة من خلال المحال التجارية والسلاسل التجارية.
الية عمل المبادرة
تعتمد على التزام المصنعين والسلاسل التجارية ونقاط التوزيع المشاركين بالمبادرة بخفض سعر بيع السلعة من خلال منح نسبة خصم لكافة المواطنين الراغبين في الشراء خلال فترة المبادرة تبلغ في المتوسط 20% على ان تلتزم وزارة المالية بإتاحة مساهمة خصم اضافى على سعر ذات السلعة من خلال التزامها بمنح نسبة مساهمة 10% اضافية بمبلغ يتخطى 12 مليار جنيه وذلك لأصحاب البطاقات التموينية فقط "يقوم حاملو بطاقات السلع التموينية (حوالى 22 مليون بطاقة) بشراء السلعة مخصوم من سعرها مجموع نسب خصم المصنعين والسلاسل التجارية وكذلك مساهمة الحكومة"
امثلة توضيحية للتطبيق

كل القصه ان بعض المصانع والتجار 4231 منتجا – 1178 تاجرا حتى الان هيعملوا تخفيض على بعض السلع مثل الاثاث-ادوات كهربائه_اجهزه كهربيه وخلافه ماعدا السلع الغذائيه والسيارات وهتبقي لكل الناس سواء معاك بطاقه تموينيه اولا وهيتم عرض جميع السلع دى على الموقع ده لما يشتغل لانه لسه تحت الانشاء WWW.MOBADRA.GOV.EG
وهيكتبوا السعر قبل التخفيض وبعد التخفيض(زى تصفيات الاوكازيون كده بالضبط) وطبقا لتصريحات المسئولين هتبدأ المبادره يوم الاحد القادم 26/7/2020
2-وزاره الماليه هتدعم اللى معاهم بطايق تموينيه بتخفيض10% من قيمه السلعه بحد اقصى 5 افراد يعنى 1000 جنيه .. بمعنى لو معاك بطاقه تموينيه هيتخفضلك لكل فرد فيها 200جنيه من قيمه السلعه.. بالاضافه للتخفيض اللى عامله التاجر لكل الناس ..
مثال1
لو التاجر عارض سلعه وكاتب عليها قبل التخفيض ب11000 وبعد التخفيض بتاعه اللى هو عامله من عنده بقت 10000 جنيه وانت عندك فردين ف بطاقتك التموينيه يبقي هيتخفضلك 400 جنيه بس بالاضافه للتخفيض اللى عامله التاجر لكل الناس ..وهتاخدها ب9600جنيه..
.. ولو عندك6 افراد هيتخفضلك1000 جنيه بس لانه الحد الاقصى بالاضافه للتخفيض اللى عامله التاجر لكل الناس..يبقي هتاخدها ب9000 جنيه
مثال2
طيب لو التاجر عارض سلعه وكاتب عليها قبل التخفيض ب1200 وبعد التخفيض بتاعه اللى هو عامله من عنده بقت 1000 جنيه وانت عندك 5افراد ف بطاقتك التموينيه هل كده مهتدفعش حاجه ؟؟؟؟
لاااا هتدفع طبعاا بس هيتخفضلك 100 جنيه قيمه ال10% للسلعه ... بالاضافه للتخفيض اللى عامله التاجر لكل الناس .. يعنى هتخدها ب900 جنيه..وهيبقي لسه معاك باقى الدعم بقيمه 900 جنيه ف البطاقه تقدر تشترى بيهم سلع مخفضه اخرى ضمن المبادره
(بمعنى كل سلعه على حده عليها تخفيض لا يتجاوز ال10% من قيمتها للى معاهم بطاقه وحسب عدد الافراد)
ملحوظه1: اليه تنفيذ المبادره بالنسبه للتاجرحسب ما افهم واظن ان التاجر المشارك ف المبادره هيكون لديه حساب بنكى وهيكون مسجل محله واسمه على الموقع وهيدخل على الموقع بتسجيل دخول خاص به وبياخد الرقم القومى للمواطن ويسجل السلعه اللى اشتراها المواطن على الموقع باسمه ومحله وبالتالى الدوله بتحولو الفلوس اللى تم تخفيضها على حسابه البنكى ..
ملحوظه2:المبادره دى هتبقي لمره واحده بس ...
ملحوظه3:سواء بطاقتك بتصرف خبز بس او خبز وتموين انت ضمن المبادره..الفرد ب200 جنيه مفيش فرق