للطلاب الجدد – كلية علاج طبيعى  طبيعة الدراسة بها و أقسامها و مستقبلها فى سوق العمل
للطلاب الجدد – كلية علاج طبيعى  طبيعة الدراسة بها و أقسامها و مستقبلها فى سوق العمل Ay_ooo10
هتدخل علاج طبيعي يبقي لازم يبقي نفسك طوويل..
مدلكاتى ايه مين قالك كدا !!
نصيحه منى.. لو مقدرتش تكمل البوست ادخل اى كليه تانيه :)
😎الدراسه ف كليه العلاج الطبيعي عباره عن 6 سنوات ممكن نقسمها ع كذا مرحله
سنه اولي وسنه تاانيه ودول بتاخد فيهم العلوم الاساسيه عشان تكون دكتور علاج طبيعي بتدرس مواد من طب بشري ومواد تخصص ف علاج طبيعي ومواد من كليات تانيه
بدايه من سنه تالته هنتحول لجزء clinical ودا يعني هتروح تحضر سكاشن ف المستشفي وتشتغل بايدك ع المرضي
من سنه تالته لسنه خامسه بيكون جزء الclinical خلص كدا
السنه الاخيرة ودي بتكون سنه الامتياز 😂😂ودي بتدرب فيها ف المستشفيات التعليميه او الجامعيه
كدا انت دخلت عندك 18 سنه خرجت من عندنا برنس عندك 24 سنه 😂😂
هكلمك عن اول ماده واهم ماده ف شغلنا ك علاج طبيعي وهي ماده من كليه طب بشري
1- التشريح Anatomy
ودي بندرس فيها تركيب جسم الانسان وهتعرف جسم الانسان بيتكون من أيه : وهتشوف كل حاجة في المشرحة : عظام عضلات اعصاب اوعية دموية
مش هتعرف تعالج اي حاجة الا اما تكون عارف التشريح بتاعها كويس
الماده ماده مستمرة بتدرسها سنه اولى و تانيه عليها اكبر درجات
عااايزة تركيز من اول يووم دراسه ومش هتحتاج ترجمه كتير زي باقي الموواد معظم المصطلحات الموجوده فيها لاتينيه
ف ناس كتير لما تسمع كلمه تشريح بتفتكر انها بتمسك المشرط وتفتح وكدا لا انت حضرتك بتروح المشرحه برنس ف نفسك :) و البضاعه متظبته و متشفيه
نصيحه:
محدش يروح اول يووم بالباالطو هيبقي شكلك عره خااالص 😂😂😂😂
تانى ماده هنتكلم عنها هى ماده لطيفه ف مذاكرتها لو حبيتها
2- علم وظاف الاعضاء Physiology
ودي بقا بندرس فيها كل وظيفة كل حاجه في جسمك : الجهاز العصبي والجهاز التنفسي والجهاز الدورى و العضلات و القلب و الغدد و الدم وغيرها .....
هتاخدها ف اولى و تانيه يعنى هتتعرف ع كل جسم الانسان واعضاءه ف اول سنتين 😊😊
وهتعرف تقيس الضغط ف العملى وبكدا هتعيش دور الدكتور ف العيله وتقيس لباباك ومامتك الضغط والدكتور جيه والدكتور راح 😂😂
3- الكيميااء الحيوية Biochemistry
ودي بندرس فيها كيمياء الجسم زي التفاعلات الكيميائة ال بتحصل في جسم الانسان Metabolism لكل العناصر زي الكربوهيدرات والبروتينات وغيرها ....
4- علم الأنسجة Histology
ودي بندرس فيها الانسجة تحت الميكروسكوب
5-علم الحركه kinesiology
بتعرفك ايه شكل الجسم الطبيعى علشان تعرف تميز بعد كدا اللى مش طبيعى
6-فزياء حيويه Biophysics
بتعرف انواع المايكروسكوب و فكره عمل اجهزه قياس القلب و ازاى الصوت بنسمعو و طرق تصحيح الابصار و ازاى اعرف اعمل مقاس لنظاره نظر
7- اللغة الإنجليزية
8-علم اجتماع
9-حقوق انسان
اعرف ان الميد ترم دا حياتك دا مستقبلك حبو حبو و بلاش كلمه هعوض ف الفاينال علشان كل اللى قالها معوضش
براكتيكال يعنى امتحان العملى
فاينال يعنى امتحان اخر السنه
العلاج الطبيعى فيه 8 اقسام 😊
#اول واحد قسم العلوم الاساسيه ☺
ودا فيه وسائل العلاج الطبيعى ووحده العلوم الطبيه والعلوم الانسانيه و المهنيه
#تانى قسم الميكانيكا الحيويه ☺
ودا لدراسة وتحليل الحركة ودراسة ميكانيكا العمل ☺
#تالت قسم العلاج الطبيعى لامراض الباطنه 😩😩
ودا فيه علاج طبيعى لامراض القلب والصدر والعنايه المركزه وجراحتهما والعلاج الطبيعى لامراض الباطنه والمسنين 😵😵
#رابع قسم العلاج الطبيعى لصحة المرأة☺
ودا فيه العلاج الطبيعى لامراض النساء والتوليد والعلاج الطبيعى لجراحة امراض النساء 😵😵
#خامس قسم العلاج الطبيعى للعظام ☺
ودا فيه العلاج الطبيعى لاصابات العظام وجراحتها وامراض العظام والعلاج الطبيعى للتشوهات والاصابات الرياضيه 😵😵
#سادس قسم العلاج الطبيعى للجلد والاغشيه ☺☺
ودا فيه العلاج الطبيعى للجراحةالعامة والتجميل ولحالات الحروق و دى بتعالج حب الشباب و الدوالى و البهاق و تساقط الشعر
#سابع قسم العلاج الطبيعى للاعصاب 😩😩
ودا فيه العلاج الطبيعى للامراض العصبيه والنفسيه والعلاج الطبيعى لجراحة المخ والاعصاب 😵😵
#تامن قسم العلاج الطبيعى للاطفال ☺☺
ودا فيه العلاج الطبيعى لامراض الاطفال ولجراحة الاطفال 😵😵
واحنا وظيفتنا تاهيل للجراحه و العلاج ما بعد الجراحه
دى كلها اقسام موجوده ف علاج طبيعى:grin::grin:

موجز لكل ماتريد ان تعرفه عن ... العلاج الطبيعي في مصر
ماهو مجال العلاج الطبيعي ؟
هو أحد التخصصات الطبية عرف مبكرا بأنه تشخيص ووقاية وعلاج العجز والمرض (بالوسائل الطبيعية والفيزيائية) ويعتبر العلاج الطبيعي علاجا اساسيا في كثير من حالات الاعصاب والاطفال وامراض العظام والغضاريف والعضلات وغيرها الكثير من الامراض بالاضافة الى التاهيل الطبي والحركي وامراض السمنه
ماذا يدرس طالب العلاج الطبيعي ؟
يدرس الطالب العلوم الطبية وعلوم العلاج الطبيعي النظرية والعملية والاكلينيكية على مدار ست سنوات وتنسيق الكلية في مصر يتراوح مابين 97 الى 98% وتقبل من قسم علمي العلوم فقط
يوجد بكلية العلاج الطبيعي اقساما عديدة ولكي يتخرج الطالب يجب ان يدرس في جميع هذه الاقسام ويدرس الطالب (العلوم الطبية الاساسية) بنفس المستوى ونفس الكم الذي يدرس لطالب الطب.
1- قسم العلوم الأساسية ويشمل وحدات ومواد عملي + نظري (الاختبارات والمقاييس 1&2 -العلاج الكهربائي 1&2 - العلاج المائي1&2 - العلاج اليدوي ومعالجة الانسجة الرخوة 1&2- التمارين العلاجية 1&2...
2- قسم الميكانيكا الحيوية وعلم الحركة ويدرس الميكانيكا الحيوية 1&2&3&4 والكنسيولوجي والارجنومكس عملي + نظري
3- قسم العلوم الطبية ويشمل وحدات : الاناتومي (التشريح) 1&2&3&4&neuro الفسيولوجي (وظائف الاعضاء) 1&2&3&4&neuro - علم الانسجة والخلايا1&2 - الكيمياء الحيوية 1&2&3&4 - الفيزياء الحيوية 1&2 - علم الادوية 1&2 - علم الامراض 1&2 - علم الامراض الاكلينيكي - علم الاشعه 1&2&3 الميكروبيولوجي والمناعة) كل المواد تدرس عملي + نظري بنفس المستوى الذي يدرس لطالب الطب البشري
4- قسم امراض الباطنة والقلب والصدر ويدرس مواد (الامراض الباطنة والمسنين بشري - العلاج الطبيعي لامراض الباطنة والمسنين - امراض القلب والاوعية الدموية والصدر وجراحاتهم بشري - العلاج الطبيعي لامراض القلب و الصدر - الامراض الروماتيزمية- التغذية الإكلينيكية- طب الطوارئ والاسعافات الاولية - طب المجتمع والصحة العامه) ويشرف على التدريب العملي لمواد القسم في المستشفيات
5- قسم امراض الجهاز العصبي ويدرس (العلوم العصبية - امراض المخ والاعصاب وجراحاتها بشري - العلاج الطبيعي للامراض العصبية والعضلية - الامراض النفسيه والعقليه) ويشرف على التدريب العملي لمواد القسم في المستشفيات
6 - قسم امراض العظام والجهاز الحركي ويدرس مواد (امراض العظام وجراحاتها - بشري - العلاج الطبيعي لامراض العظام وجراحاتها - الطب الرياضي واصابات الملاعب - الاستيوباثي - الاشعة للعظام - الأطراف الصناعية والجبائر - تاهيل البالغين التخصصي) ويشرف على التدريب العملي لمواد القسم في المستشفيات
7- قسم امراض النساء والتوليد ويدرس مواد ( امراض النساء والتوليد بشري - العلاج الطبيعي لامراض النساء والتوليد - امراض واضطرابات منطقة الحوض) ويشرف على التدريب العملي لمواد القسم في المستشفيات
8- قسم الجراحة العامة والحروق ويدرس (الجراحة العامة والحروق - العلاج الطبيعي للجراحة العامة والحروق) ويشرف على التدريب العملي لمواد القسم في المستشفيات
9- قسم العلاج الطبيعي للامراض الجلدية والتجميل ويدرس (درماتولوجي - العلاج الطبيعي للامراض الجلدية والتجميل) ويشرف على التدريب العملي لمواد القسم في المستشفيات
10- قسم الاطفال ويدرس مواد (امراض الاطفال وجراحاتها بشري - العلاج الطبيعي لامراض الاطفال وجراحاتها - تاهيل الاطفال - امراض النطق وعيوب الكلام - علم نفس الطفل - التطور الحركي واكتساب المهارات والتعلم) ويشرف على التدريب العملي لمواد القسم في المستشفيات
11-مواد علاج طبيعي تدرس من مختلف الاقسام (التشخيص الكهربي - التشخيص التبايني - اتخاذ القرار الاكلينيكي - الاحصاء الطبي - قوانين واداب المهنه - التعليم الخاص - العلاج الطبيعي للجهاز الليمفاوي -العلاج الطبيعي لمرضى الاورام - ضمان الجودة - مهارات البحث العلمي وكتابة التقارير - اتخاذ القرار وحل المشكلات - ادارة المستشفيات - مفاهيم طبية - علم النفس - علم الاجتماع الطبي- العلاج الوظائفي للاطفال - العلاج الوظائفي للبالغين - العلاج الطبيعي في طب الصناعات)
12- مواد غير اساسية (حقوق الانسان - لغة إنجليزية - حاسب الى - تاريخ - ادب عربي - جغرافيا - فلسفه - مهارات التواصل - تكنولوجيا المعلومات ..الخ)
ويجب لكي يتخرج الطالب من كلية العلاج الطبيعي ان يدرس جميع ماسبق بالاضافة لبعض المواد الاخرى وذلك على مدار خمس سنوات دراسية وبعد ذلك يقضي (السنة السادسة) 12 شهر كامل امتياز في المستشفيات المختلفة تحت اشراف الكلية التابع لها
ماهي وسائل العلاج الطبيعي ؟
-تشخيص العلاج الطبيعي : توجد العديد من الوسائل التشخيصية والفحوصات التي يجريها دكتور العلاج الطبيعي لكي يتمكن من وضع خطة العلاج للمريض ومنها تحليل الحركة والميكانيكية والتشخيص الكهربي -رسم العضلات والاعصاب- وتقييم حالة المريض الكلية وحالة العضلات واختباراتها ونغمتها وقوتها ومدى ليونتها وتيبسها وغيرها الكثير من الوسائل.
من الوسائل العلاجيه والتشخيصيه :
علاج فيزيائي وكهربائي باستخدام مختلف الأجهزة والتيارات الكهربية العلاجيه والليزر والضوء والاشعة والحرارة والبرودة والموجات قصيرة وميكرو وفوق صوتية وتصادمية والكتروماجنتيك وتطبيقات فيزيائية تانيه كتير
تاني وسيلة هي التمارين العلاجية ودي تمارين دقيقة للعلاج وعلم واسع جدا قائم على الميكانيكا الحيوية والكنسيولوجيا والتشريح والفسيولوجي لجسم الانسان وبتؤدى يدويا او ميكانيكيا وليها فروع كتير
تالت حاجه العلاج اليدوي ودا بيتم بمهارات اليد او بمساعدة بعض الاجهزة ودي حركات دقيقة للجهاز العضلي والهيكلي والليمفاوي وغيرها بتتعمل مبنية على فسيولوجيا الجسم والكيمياء بتاعته لفحص المريض او للعلاج ودا برضو علم واسع جدا
رابع حاجه العلاج المائي
ودي علاجات بترددات الماء والموائع والموجات في الماء والاحواض الطبية وغيرها
خامس حاجه توصيل الادوية بالكهرباء الطبية
ودي بتوصل مادة فعالة معينة زي مثلا الديكساميثازون والديكلوفيناك والسالين والليدوكايين وغيرها داخل جسم الانسان في منطقة معينة لاغراض علاجية باستخدام اجهزة العلاج الفيزيائي
سادس حاجه التغذية العلاجية
ودي بنحدد منها المريض ياكل ايه اللي يساعد على علاجه اثناء ما بنطبق خطة العلاج والنظام الغذائي الخاص مهم في خطة العلاج انك تبقى عارف ايه اللي هيديله البروتين او الفيتامين المناسب لعلاج مرضه والكميات المناسبة وايه الممنوعات والى ماذلك ودي مهمة في خطط العلاج لتقوية العضلات وكسور العظام وامراض السمنه وغيرها وفي وسائل تانيه كتير وكل يوم في جديد في العلاج الطبيعي
- بعد التخرج .. متاح لدكتور العلاج الطبيعي العديد من فرص العمل
اولا ليها تكليف في وزارة الصحة زيها زي كليات الطب
ثانيا المستشفيات والمراكز الخاصة .. وكمان ليك حق فتح عيادتين .. العمل في مختلف الوزارات والهيئات في التخصص .. العمل في الوظائف القيادية في الصحة وادارات الطب الوقائي والعلاج الحر وادارات الجودة والصحة العامة والصحة والسلامة المهنيه وغيرها
العمل في المصانع والشركات المتخصصه في الارجنومكس .. العمل في مجال الاستيوباثي .. الكيروبراكتيك .. التغذية والسمنة والنحافة .. طبيب في الاندية الرياضية .. ومجال الاطراف الصناعية .. وشركات الاجهزة الطبية .. دور المسنين .. العمل كمندوب دعاية في شركات الادوية .. مطلوب بكثرة في جميع الدول الاوروبية وامريكا وكندا وغيرها والدول العربية ايضا وغيرها
المسمى بعد التخرج : دكتور علاج طبيعي
التدرج الوظيفي : بعد التخرج ممارس عام علاج طبيعي - بعد خمس سنوات نيابة او ممارسة يرقى الى اخصائي تدريجيا - بعد الدكتوراه او 15 عام ممارسة يرقى الى استشاري وهو نفس التدرج الوظيفي للطب البشري والاسنان