منتديات المعلم القدوة التعليمية
منتديات المعلم القدوة التعليمية
منتديات تعليمية

للطلاب الجدد – كلية تجارة عربى و إنجلش طبيعة الدراسة بها و أقسامها و مستقبلها فى سوق العمل

إرسال موضوع جديد   إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

للطلاب الجدد – كلية  تجارة عربى و إنجلش    طبيعة الدراسة بها و أقسامها و مستقبلها فى سوق العمل Empty للطلاب الجدد – كلية تجارة عربى و إنجلش طبيعة الدراسة بها و أقسامها و مستقبلها فى سوق العمل

مُساهمة من طرف أبو بطة الشقية في الجمعة 12 يوليو 2019, 09:44

للطلاب الجدد – كلية  تجارة عربى و إنجلش    طبيعة الدراسة بها و أقسامها و مستقبلها فى سوق العمل
للطلاب الجدد – كلية  تجارة عربى و إنجلش    طبيعة الدراسة بها و أقسامها و مستقبلها فى سوق العمل Oyo10

بخصوص الاسئله عن تجاره انجليش ..

اولا شروط اساسيه :-
1- الطلاب المقبولين بتجاره    انتظام فقط "
2- اللغه الانجليزيه درجاتها لازم تكون 40 فأكثر
3- طلاب الثانونيه العامه السنه الحاليه " فقط "
4- لا يمكن التحويل الي قسم اللغه الانجليزيه نهائيًا .
.
ثانيًا : المفاضله بين الطلاب
بيقدم الطالب في قسم اللغه الانجليزيه وبعد كده بياخدوا اعلي 1500-2000 طالب مجموع اعتباري
والباقي بيتحول تلقائي لتجاره عربي .
المجموع الاعتباري بيتحسب كالتالي = مجموع درجات الطالب في الثانويه العامه + مجموع درجات اللغه الانجليزيه
..
بمعني اخر .. " محدش يقدر يقولك تجاره انجليزي بتاخد من كام غير لما المفاضله بين الطلاب دي تخلص ويقولك اللي نجح اسمائهم ايه او خدت من مجموع كذا للي قدم " .
.
ثالثًا اسئله عامه :- ..
المصاريف الدراسيه = من 5000 ج.م الي 10000 ج.م + مصاريف الكتب الدراسيه
..
بأختصار شديد جدا
****
ماينفعش تكون مقدم في كليه تانيه وبعد ما نتيجه انجليزي تطلع تيجي تقدم في انجليزي " انسي " .
لان ببساطه اعتبروا تجاره انجليزي دي زي مسابقه .. ..
1 - ينفع حد يقدم في مسابقه بعد ما تخلص !؟ - اكيد لاء
2 - طيب ينفع حد يقدم مثلا في مسابقه the voice بعد ما تبدأ العروض المباشره ؟! - برده لاء
3 - طيب ينفع حد يعرف مين اللي هيكسب او هيكسب بكام صوت في الاخر ؟! - برده لاء لانه لازم تخلص الحلقه علشان نعرف ..
...
برافوا عليا جاوبت كل الاسئله
😁 .
اهو دا بالظبط اللي بيحصل في تجاره انجليش
- عباره عن مسابقه بين الطلاب بيختاروا فيها ازيد 1500-2000 طالب جايبين مجموع اعتباري .
.
- فبالتالي اي حد جايب تجاره انتظام " انتظام " بشدد " انتظام " , وجايب 40 فأكثر في الانجليزي , ولازم يكون ث.ع السنه دي .
يحق له انه يقدم في تجاره شعبه اللغه الانجليزيه
بس دا مش معناه انه اتقبل ، هو قدم كده في المسابقه مثلا ..
.
- النقطه التانيه ان محدش ينفع يقدم بعد ما باب التقديم يتقفل
حتي لو صوته حلو 🙂 قصدي مجموعه جايب يعني
.
النقطه التالته " ماينفعش حد يقولك هتاخد من كام "
علشان كلنا هنعرف هي خدت من كام بعد ما التقديم يتقفل ويتم عمليه المفاضله ,
بمعني اخر ان محدش هيعرف يقولك اللي كسب كسب بكام صوت مثلا ..
لازم الفعل يحصل الاول علشان نحصر العدد ..
.
فـ بالتالي مثلا لو خدت من 100 200 300 مثلا ..
وانت جايب 400 او لو كنت جايب 99% في الثانويه العامه
ومقدمتش من الاول ,,
والله ما هتدخلها
معلومات كامله عن ال7 اقسام (رتبتها تنازلياّ حسب فرص التوظف الاكبر) :
----------------------------------------------------------------------------------
اولاّ - قسم المحاسبه :
*****************
مجالات العمل بالقسم هى (محاسب ومراجع قانوني - محاسب إداري و محاسب تكاليف - مراجع حسابات داخلى - محاسب ضريبي) .

التخصصات الرئيسيه هى (محاسبه ماليــه - محاسبه إداريـه - محاسبه تكاليف - مراجعـــــه - محاسبه ضريبيه - محاسبه خاصه) .

ما تحتاجه بهذا القسم بالاضافه الى ماتم ذكره هو (كوسات فى المحاسبه + تدريب فى شركات + اما عمل دبلومه وماجستير بها او ان الفرد ياخذ الCMA وهى تعادل الدبلومه) .

#القسم_الاول_فى_فرص_التوظف

ثانياّ - قسم اداره الاعمال :
*******************
مجالات العمل بالقسم هى (يتاح للخريجين من الكلية بصفة عامة وقسم إدارة الأعمال بصفة خاصة في العمل في كافة الأجهزة الحكومية وغير الحكومية وفي القطاع العام والخاص في كافة الوظائف الإدارية والإنتاجية والتجارية والمالية والتسويقية والمعلوماتية , بالإضافة للعمل في القطاع المالي في البنوك وشركات التأمين والشركات العاملة في مجال الأوراق المالية وهكذا البورصات والأوراق المالية والهيئة العامة لسوق المال) .

التخصصات الرئيسيه هى (لا توجد تخصصات رسمية داخل القسم ولكن يمكن للطالب أن يزيد اطلاعاته ويعمق تخصصه في مجالات عديدة منها التمويل ، التسويق ، الإنتاج وبحوث العمليات ، الإعلان ، التحليل التنظيمي ، الموارد البشرية ، نظم المعلومات والسلوك الإداري) .

ما تحتاجه بهذا القسم بالاضافه الى ماتم ذكره هو (كورس MBA ضرورى الى حد كبير او كورسات مكثفه فى المجال الادارى الذى تريد التخصص به (اداره التسويق , ادارة الموارد البشريه , ...هكذا) .

#القسم_الثانى_فى_فرص_التوظف

ثالثاّ - قسم الاقتصاد :
****************
مجالات العمل بالقسم هى (باحث اقتصادى - البنوك) .

التخصصات الرئيسيه هى (اقتصاد - اقتصاد دولى) .

ما تحتاجه بهذا القسم بالاضافه الى ماتم ذكره هو (دورة التجارة الإلكترونية والتصدير والإستيراد , دورات بورصه وفوركس , التدريب فى الشركات والبنوك , والدبلومه ومابعدها ان امكن) .

#القسم_الثالث_فى_فرص_التوظف

رابعاّ - قسم اقتصاديات التجاره الخارجيه :
*****************************
مجالات العمل بالقسم هى (البنوك - وزارة التجارة الخارجية - البورصه وشركات الاستثمار - اخصائى تصدير واستيراد) .

التخصصات الرئيسيه هى (اقتصاد دولى - تجارة خارجية) .

ما تحتاجه بهذا القسم بالاضافه الى ماتم ذكره هو (دورة التجارة الإلكترونية والتصدير والإستيراد , دورات بورصه وفوركس , التدريب فى الشركات والبنوك , والدبلومه ومابعدها ان امكن) .

#القسم_الرابع_فى_فرص_التوظف

خامساّ - قسم العلوم السياسيه :
************************
مجالات العمل بالقسم هى (تتيح الدراسة بالقسم العمل في مجال الإعلام ، وزارة الخارجية ، إلى جانب المراكز البحثية المتخصصة) .

التخصصات الرئيسيه هى (العلاقات الدولية والسياسة الخارجية - النظم السياسية - الإدارة العامة) .

ما تحتاجه بهذا القسم بالاضافه الى ماتم ذكره هو (دورات مكثفه فى هذا المجال + التدريب والدبلومه ومابعدها ان امكن + مهارات سياسيه اداريه) .

#القسم_الخامس_فى_فرص_التوظف

سادساّ - قسم نظم المعلومات الاداريه :
*****************************
مجالات العمل بالقسم هى (محلل ومصمم نظم - تصميم قواعد بيانات - تصميم مواقع الويب) .

التخصصات الرئيسيه هى (لايوجد تخصصات معينه بالقسم , حيث يقوم الطالب بدراسه جميع المواد الاساسيه الخاصه بتكنولوجيا المعلومات والحاسب الألى) .

ما تحتاجه بهذا القسم بالاضافه الى ماتم ذكره هو (كورسات في الداتا بيز حاجة زي الاوراكل لان انت دون غيرك بتتميز بمعرفة فريدة بين معرفتين اساسيتين وهما الكمبيوتر والادارة او التجارة ومواد كتير تانية . و ان تسعى للحصول على المنح والتدريبات فى الشركات الكبرى فى مجالك وتنمى مهاراتك البرمجيه) .

#القسم_السادس_فى_فرص_التوظف

سابعاّ قسم الرياضيات والتأمين والاحصاء :
******************************
مجالات العمل بالقسم هى (البنوك - شركات التأمين - الجهاز المركزي للتعبئة العامة و الإحصاء - البورصة و شركات استثمار الأموال - جميع المؤسسات و القطاعات - وزارة الاتصالات و المعلومات - وزارة التجارة الخارجية - معهد التخطيط القومى - المركز القومي للبحوث - جميع مراكز المعلومات) .

التخصصات الرئيسيه هى (الرياضيات للتجاريين - الإحصاء التطبيقى - رياضيات التأمين) .

ما تحتاجه بهذا القسم بالاضافه الى ماتم ذكره (دورات متقدمة فى لغة البرمجة و الإحصاء بالاضافه الى التدريب فى الشركات و الجهاز المركزي للتعبئة العامة و الإحصاء , و الدبلومه وما بعدها ان امكن) .
أبو بطة الشقية
أبو بطة الشقية
عضو نشيط
عضو نشيط

ذكر عدد المساهمات : 9144
نقاط : 38465
تاريخ التسجيل : 26/05/2013
الموقع : بلاد الله الواسعة

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى