منتديات المعلم القدوة التعليمية
منتديات المعلم القدوة التعليمية
منتديات تعليمية

شكوى ولى أمر " مدرس الألعاب " هوايته يضرب ابنى على قفاه

استعرض الموضوع السابق استعرض الموضوع التالي اذهب الى الأسفل

شكوى ولى أمر " مدرس الألعاب " هوايته يضرب ابنى على قفاه Empty شكوى ولى أمر " مدرس الألعاب " هوايته يضرب ابنى على قفاه

مُساهمة من طرف أبو بطة الشقية في الثلاثاء 19 نوفمبر 2019, 16:53

شكوى ولى أمر " مدرس الألعاب " هوايته يضرب ابنى على قفاه
شكوى ولى أمر " مدرس الألعاب " هوايته يضرب ابنى على قفاه 69891210

اشتكت ولي أمر أحمد خالد التلميذ بالصف الثالث الابتدائي، بمدرسة فاطمة الزهراء مركز فاقوس بمحافظة الشرقية، من قيام مدرس الألعاب بضرب نجلها على قفاه 3 مرات مما تسبب في تعبه .

وروت ولي الأمر وتدعى "نهى" القصة قائلة: "في مدرس ألعاب اسمه أحمد فريد ضرب ابني على قفاه ٣ خبطات، ويقوله اختار فريق الكرة، ولد واقف بيختار فريق بيفكر، والمدرس نزل ضرب على قفاه ويقوله اختار يلا اختار اختار، طبعاً الولد جه حكى الموقف، بعدها بكام يوم الولد تعب وسخن في المدرسة".

وتابعت في تصريحات خاصة لـ"كشكول": "توجهت للمدرسة لإبلاغ المدير بما حدث، وبعدها الولد غاب كام يوم، ثم أخدت الولد ورحت عشان أشوف المدير عمل إيه، ونشوف المدرس الألعاب، اتواجهنا مع مدرس الألعاب بمكتب المدير، فسأله المدير عن رواية ماحدث، فبدأ يتحدث بصوت عالي وأسلوب غير لائق أمام الولد، وقال: "دي طريقتي في التمرين أن اخبط طفل لتنبيه فريق الكرة، وانتي اشتكيتي لمدير مدرسه روحي امشي في شكوى وتحقيقات ولما سألت ابني خبطات كانت جامدة -رد الولد قال اه-، فزعق المدرس في الولد وقال انت عايز تعمل مشكلة يا أحمد ما تيجي تمسك حصة مكاني أحسن -بيقول كده للطفل صغير وكل ده أمام المدير قاعد مش قادرعليه" .

وتابعت الأم: "طلعت ابني بسرعة من مكتب عشان أسلوب مدرس بيزعق فيه وبيهين الولد بيتريق عليه قدامي وعشان الولد مايتعبش نفسياً اكتر، وفضلت اتكلم مع مدرس ومدير فضل مدرس بنفس طريقه وبيقول دي طريقتي".

وقرر المدير إن المعلم يعتذر للولد، قائلاً للمعلم "هندخل الولد مكتب تاني وتراضي ولد لأنك قلت انك خبطته"، فدخل الولد تاني مكتب المدير، والمدير قال للمعلم "احضن الولد وسلم عليه"، المعلم رفض واتكلم بصوت عالي جدا، قائلاً "منزلين الولد عايزين اعمله إيه يعني اعمله إيه".

واستكملت الأم "ابني فضل واقف الطفل منتظر مدرس يحضنه مقرب عليه عشان يسلم مدرس رفض تخيلي كسره خاطر ابني كان شكلها ايه يعني ضربه على قفاه قدام زمايله وكمان مدرس زعق فيه وفي مدير ويزعق في ولد وكمان يرفض يعتذر ويرفض يحضن طفل صغير كسر بخاطره، واخدت ابني وطلعت من مكتب بسرعه وولد مكسور خاطرة ومنهار نفسياً من حصل قدامه قالي يا ماما مستر زعقلك وزعق لمدير".

وشددت: "قلت للمدير أنا احترمتكم كإدارة، وجيت رغم ابني مضروب كنت ريحت نفسي وبعت فاكس للوزير بدل ماكان ابني يتكسر ويتهان قدامي وكمان يشوف مامته بتتهان قدامه. رد مدير قال أمام المدرس لا كده احسن جيتي لو رحتي تشتكي للوزير ولا الغفير كده هيحصل ضغينه ومشاحنات من مدرسين وهيبقي في حاجة بنفسيتهم.  الكلام ده قدام المدرس خلي مدرس يزيد فيها أكتر ولقيت مدرس حلف للمدير وقال اقسم بالله مايحصل أن اعتذر أو أرضي الولد ولا مسلم عليه وبعد كده هيتعامل معاملة عادية ومش هطلعه يختار فريق كرة تاني طالما طالع يشتكي ويقول لمامته على خبطته على قفاه ومدرس معترف قدامي أن خبط الولد".

واختتمت قائلة:" أنا بعتت فاكس باللي حصل للوزارة، وبلغت مدير إدارة فاقوس التعليمية فقالي مش تبعنا تبع مديرية تاني، وروحت  لمدير التعليم الخاص قالي روحي الإدارة، بيحدفوني لبعض حاجة بهدلة".


أبو بطة الشقية
أبو بطة الشقية
عضو نشيط
عضو نشيط

ذكر عدد المساهمات : 9144
نقاط : 38464
تاريخ التسجيل : 26/05/2013
الموقع : بلاد الله الواسعة

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى