مؤسس تحيا مصر يرد على قرار ربط نتائج الطلاب بدفع المصرفات " ارحموا الناس"

وتساءلت "أبو غالي": "يعني إيه معرفش نتيجة ابني أو بنتي علشان مدفعتش المصاريف، ودا في الترم الأول، يعني بكل الأحوال الطالب مكمل الترم التاني، عادي هيحصل إيه  لو عرفت هو قصر في إيه، والمفروض يجتهد أكتر في إيه".

واستنكرت ما يحدث من قبل الوزارات: "بتعاملوا معانا على إننا جهة ربح لهم، سواء التعليم العالي أو التربية والتعليم"، متسائلة: "أين أحقيتنا في التعليم المجاني.. اللي هو أصلا مبقاش؟".

وأضافت: "ارحموا الناس اللي ظروفها لا تسمح على الأقل في الوقت الحالي، وميطلعش مسئول يقول دي مصاريف رمزية. هقوله في ناس مش عارفة توفر لأولادها رغيف عيش زيادة"

ولفت إلى أنها لم تسدد مصاريف أبنائها حتى الآن "أنا لسه مدفعتش مصاريف جامعة ابني؛ لأن الظروف لا تسمح، يعني مش كفاية اللي وصلنا ليه بسبب ارتفاع الأسعار.. يبقي أنتم والظروف علينا".