المدارس توجه طلاب الثانوية العامة للإتصال بالإنترنت و عمل تحديث هام جدًا

السلام عليكم ورحمة الله وبركاته

كل سنة وانتم طيبين ياشباب رمضان كريم

طبعا زي ما نتم عارفين اننا حنبدأ الاختبارات التجريبية على التابلت وده معناه انك بتختبر ان التابلت الخاص بك يعمل بكفاءة

وخلي بالك لازم تتأكد ان التابلت مفيش عليه أي برامج مخالفة أو تهكير لان ده معناه محضر غش في الامتحان الفعلي

ومن دلوقتي وحتى الاختبارات النهائية لازم نلتزم كلنا بالتالي:

1- التابلت موصل بالانترنت واستقبال اي تحدديث وتنزيله ( وإلا حيمنع دخولك الاختبارات)

2- لازم برنامج تنويهات يكون عندك على التابلت وعملت تسجيل دخول وبياناتك ظاهرة صحيحة ( لو في مشكلة كلم الخط الساخن 19368)

3- اذا كان التابلت متهكر وروحت التوكيل وقالك ادفع 1600 جنيه حتدفعهم بعد كده حتقدم طلب استرداد المبلغ من الوزارة وحتسترد 95% من قيمة الاصلاح (وده لانك دفعت قيمة تامينية اللي هي 100 جنيه على التابلت)

4- لازم شرحة التابلت تكون معاك شغالة ومشحونة (لو الشريحة ضاعت او مش عارف رقمها روح لأي فرع ببطاقتك وهو حيجيبها لك من على السيستم)

5- افتح برنامج Knox manage واتاكد ان بيظهر على الواجهة " دفعة الاسكندرية device'2018 "

تتمنى لكم أسرة الدعم الفني والإعلامي بمركز التطوير التكنولوجي بالاسكندرية كل التوفيق عرض أقل