الصحفي أحمد حافظ " محافظ بور سعيد قرر مع نفسه امتحان الشهادة الإعدادية بابل شيت" مين بيديرالتعليم " وزير التعليم أم المحافظين

- مين بالظبط اللي بيدير التعليم في مصر؟

= محافظ بورسعيد قرر، أو ناوي، أو بيدرس، مش عارف بالظبط.. إنه يخللي امتحانات آخر السنة للشهادة الإعدادية بطريقة البابل شيت، ويعمل تصحيح إلكتروني للإجابات، علشان تبقى محافظته هي الأولى اللي اخترعت هذا الاختراع في الإعدادية.

= يعني طالب إعدادي لسه لا عمره عرف ولا قرأ عن البابل شيت، هيمتحن بالبابل شيت وهيتصحح امتحانه إلكتروني رغم إن مصر كلها هتمتحن بالطريقة العادية.

= سيبك من ده كله.. المدارس قالت للطلاب إن المقترح هو وجود أسئلة مقالية وأسئلة اختيار من متعدد في الامتحانات.. طب حضرتك هتصحح الاختيار من متعدد إلكتروني.. ماشي تعدي.. إنما هتصحح المقالي إلكتروني ازاي؟. طالب بيكتب كام سطر بطريقته الخاصة وأسلوبه الخاص، هتقول الجهاز يصحح كلامه ويديله الدرجة أو لا ازاي.

= أنا مكنتش مصدق اللي بيتنشر، ولا مستوعب اللي بيحصل، لكن دخلت على صفحة مدرسة إعدادية في بورسعيد، لقيتها بتبلغ الطلاب إن فيه امتحان تجريبي للتدريب على البابل شيت يوم ١٣ أبريل !.

= بجد سؤال محيرني: مين بيدير التعليم في مصر؟!