الصجفي / أحمد حافظ مدارس بالقاهرة تحصل من كل طالب 10 جنيه عن كل يوم غياب

= طفل غاب عن المدرسة بتاعته يومين، وفي اليوم الثالث راح للمدرسة، فأبلغته المعلمة: عليك ٢٠ جنيه غياب يومين !

= قابلني ولي الأمر وسألني: هل اليوم الغياب في المدرسة بعشرة جنيه؟. فقلت له: مستحيل.. فين الكلام ده؟! قاللي في مدرسة ابني (محمد كريم - إدارة المطرية).

= قلت له روح المدرسة بنفسك واسأل وشوف الحقيقة.. راح ورجع قاللي فعلا اليوم الغياب بعشرة جنيه وقالولي في المدرسة: هنجمع أيام الغياب علشان ولي الأمر يدفع اللي عليه في نهاية الشهر،وابنك لحد دي الوقت عليه ٢٠ جنيه عن يومين غياب.

= عاملين جمعية حضراتكم؟. بتحاسبوا ولي الأمر بالشهر؟!.. الفلوس دي بتروح فين؟. الفلوس دي مين كلفكم بتحصيلها؟! العقوبة دي تحت بند إيه؟!.

= ده مش تشجيع على الحضور للمدرسة.. دي إتاوة تعليمية لا أقرها قانون ولا قرار ولا تعرف الوزارة عنها حاجة.. يبقى اللي حطها وطبقها يتحاسب ويكون عبرة.