الأستاذ / أحمد حافظ صحفي بالأهرام امتحان الكيمياء غير مطابق للمواصفات و الوقت غير كافي

الأستاذ / أحمد حافظ صحفي بالأهرام امتحان الكيمياء غير مطابق للمواصفات و الوقت غير كافي

امتحان الكيمياء في الثانوية العامة النهاردة، وباعتراف معلمي الكيمياء نفسهم، لا مطابق للمواصفات القياسية، ولا وقت الامتحان يكفي للإجابة عليه، ولا في مستوى الطالب المتوسط، ولا يمكن وصفه إلا إنه امتحان خارق.. مع إن تعليمات الوزارة بتقول 30% أسئلة بسيطة و40% أسئلة متوسطة و30% مستويات عليا.. هل الامتحان ده كان فيه 70% أسئلة بسيطة ومتوسطة؟. مش ده كان وعد الوزارة مع الطلبة؟. مش دي التعليمات اللي الوزير كلف بيها واضعي الامتحان؟. هل معلمي الكيمياء اللي قالوا الامتحان لا يمكن حله في 3 ساعات كلهم مش بيفهموا؟. إذا كان المعلمين بيقولوا كده الطلبة المفروض تعمل إيه؟.. هونوا على ولادكم في الثانوية العامة بعد امتحان النهاردة.. وياريت قبل ما اللجنة اللي تطلع تقول الامتحان مطابق للمواصفات تحلل الأسئلة بأمانة ومسئولية وموضوعية مش علشان تحسنوا الصورة تضيعوا مجهود دفعة كاملة.. اللي حصل النهاردة حرام.