صووووت البعد

ف بعدك كأنه ويل
جوه عروق النبض
بيمشى
لما تحسى بصوت البعد
زى الرعد بيحضن قلب
لما تشوفى حنين الحب
جوه دموعى ولمسه أيدى
بيهمس همس
لما صوتى يكون سكات
وافراحى بقت انات
وحلم الليل الطويل
ماشى بعيد
وعيون حيرانه
سهرانه
تنتظر لحظه امل
لما الكون يحلم معايا
بشوق ما يتوصف
ويمسح ظلام وبعد
وهوان
ويطبطب بأيده
ع نهار بينتظر
لحظه يكون فيها
القمر
زى النجوم
يمحى الغيوم
ويظهر وسط النهار
ويكون ونيس
لشمس الدفا
لما حرارة حبك
تصرخ نار
لما يدوب الثلج
فى عز الشتا
لما الشوق يحضن هواك
لما الكلام يسكن سكاتى
لما أتغرب عنك
وانا لسه فى حضنك
وأسأل نفسى ونفسك
وأسأل كل بحور الحب
وأجمل لحظه لدقه قلب
تاهت ليه خطوات القلب؟
لما الأحلام بتبعد عنى
وطيفك لسه فى دمى
وافضل أحارب نفسى
ليه البعد بيقتل نبض؟
جوه عروق الحب
لما بيصرخ دمى
ينادى فين الحب؟
لما غيوم الليل
تسبح جوه كيانى
وليل بينادى
فين الحب؟
تاهت كل خطاوى
الليل
لما نسيتى وعدك ليه
وف لحظه قسيتى عليه
لما يهون دمع عيون
ملاها شوق مجنون
بسأل نفسى
فين الحب؟
لما قلوب نسيت
معنى العطف
وحنان الام لطفل
بيصرخ
محتاج حضن
ح أفضل أحبك
طول العمر

سيد منير عطيه
صووووت البعد 643134