مواصفات امتحان الصف الرابع الشهرية شبيهة بامتحانات الثاني العام موضوعية و اقيس الفهم و غير متوقعة

بالنسبه لاختبار الصف الرابع الابتدائى هيكون كالتالى:
_ أولاً : اختبار قصير (كويز) فى الشهر الأول ب ١٥ درجة
- ثانياً : اختبار قصير (كويز) فى الشهر الثانى ب ١٥ درجة
- ثالثاً : اختبار فى نهاية الفصل الدراسى الأول ب ٣٠ درجة
= مهمة أدائية من ٣٥ درجة
= خمس درجات مواظبة على الحضور
#شكل_الامتحان_هيكون_عبارة_عن :
اختيار من متعدد
صح وخطأ
توصيل
أسئلة ذات إجابات قصيرة
** طب هيجى منين الامتحان ومين هيشرف عليه؟
* الوزارة هتحط نماذج للمعلمين على موقع بنك المعرفة على منصة الرابع الابتدائى والمعلم يدخل يطبعها ويشرف على الامتحانات الأول والثانى أما الثالث المدرسة هتشرف عليه

* نيجى بقه للمهام الأدائية
دى مهمة تاخد حصتين : حصة المعلمه تجهز ليها وحصة التلاميذ يقوموا بعملها
** طب هى إيه؟؟
* هى عمل هيقوم بيه التلميذ داخل الفصل دون إمكانات مخصصة لذلك عبارة عن رسم أو مخطط أو كتابة وبتكون مختلفة من تلميذ لآخر يعنى هنخير التلاميذ تحب مهمتك تكون إيه
** ودى هتكون فين؟؟
* برضو الوزارة هتنزل خمس مهام أدائية وتسيبهم للمعلم بس هو اللى يعرف يوصل لهم والمعلم هيطبع والتلاميذ تعملهم داخل الحصة ولازم يكون مع المعلم دليل إن التلميذ عمل المهمة
** طيب ال٣٥ درجة بتوع المهام تتوزع إزاى
* خمس درجات جدية
* خمس درجات تخطيط
* خمسه وعشرين تنفيذ المهمة
#ملحوظه: كل الاختبارات مبنيه على نواتج التعلم يعنى مش على المنهج يعنى مفيش أى شىء مباشر من الكتاب
#بعد_كل_الاختبارات ترم أول وثانى بتتقسم ويتاخد متوسط وتطلع النتيجه ألوان أزرق وأخضر وأصفر وأحمر
واللى ربنا موفقوش وأخد أحمر من حقه دور تانى لو كان لون أحمر فى أربع مواد على الأكثر