منتديات المعلم القدوة التعليمية
منتديات المعلم القدوة التعليمية
منتديات تعليمية

انضم إلى المنتدى ، فالأمر سريع وسهل

منتديات المعلم القدوة التعليمية
منتديات المعلم القدوة التعليمية
منتديات تعليمية
منتديات المعلم القدوة التعليمية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
اذهب الى الأسفل
عادل عبد الله
عادل عبد الله
عضو نشيط
عضو نشيط
ذكر عدد المساهمات : 40103
نقاط : 231207
تاريخ التسجيل : 05/04/2010
العمر : 47
الموقع : http://nahdtmesr75.blogspot.com/
يارب احفظ مصر

http://http:/kodwa1.com

التشعيب وامتحانات الثانوية.. الشرح والمختصر المفيد لمؤتمر الوزير Empty التشعيب وامتحانات الثانوية.. الشرح والمختصر المفيد لمؤتمر الوزير

الأربعاء 20 أبريل 2022, 22:24
ملخص مؤتمر دكتور طارق شوقى
=====================
١ - امتحانات الصف الاول والثانى الثانوى الامتحانات مقاليه 30 ٪ تحل ورقى وتصحح بالمدرسة وتضاف درجتها الى درجه الامتحان الالكترونى
70 ٪ اختيار من متعدد تحل على التابلت
٢ - امتحانات اولى وثانية ثانوى سوف تعقد بالمدارس ولجان وليس بالمنزل
٣ - امتحانات اولى وثانية ثانوى
يوجد جدول صباحى للمدارس التى يوجد. بها سيرفر داخلى وجدول مسائى للمدارس التى لا يوجد بها سيرفر داخلى وتذهب لمدرسه مؤهله بسيرفر
٤ - الصف الثالث الثانوى امتحان ورقى اختيار من متعدد فقط بابل شيت لايوجد اسئلة مقالية ولا يسمح للطلاب بالدخول بالتابلت او الكتاب المدرسى
٥ - امتحانات الصف الثالث الثانوى ( الثانوية العامة ) تبدأ يوم ٢٠ المواد خارج المجموع ويوم ٢٦ يونية المواد الاساسية وتنتهى يوم ٢١ يوليو



التشعيب وامتحانات الثانوية.. الشرح والمختصر المفيد لمؤتمر الوزير 27898110
التشعيب وامتحانات الثانوية.. الشرح والمختصر المفيد لمؤتمر الوزير 27899010




= إلغاء نظام أوبن بوك من أولى لتالتة ثانوي.. لا تابلت ولا كتاب مدرسي الطالب هيروح الامتحان بالقلم والمسطرة فقط.. هيكون فيه ورقة مفاهيم لكل مادة، واللي هيحط ورقة المفاهيم دي، نفس اللي هيحط الامتحان، ودي هتكون بديلة لأوبن بوك.. ومن وجهة نظري، مينفعش يتلغي الأوبن بوك فجأة قبل الامتحانات بوقت قصير، خاصة إن الكتاب المفتوح جزء من فلسفة النظام الجديد للتقييم القائم على الفهم مش الحفظ.


= ورقة المفاهيم هيستلمها الطالب مع ورقة الأسئلة (مطبوعة).
= إلغاء دخول التابلت لجان الثانوية العامة قرار ممتاز، لأنه كان وسيلة للغش وتصوير الامتحانات ونشرها على السوشيال ميديا، وطالما ملوش لازمة في الأسئلة والإجابة، يبقى ملوش لازمة يبقى موجود في اللجنة، وبكده تقدر تسيطر على الغش والتصوير.
= تأجيل امتحانات الثانوية العامة من 11 يونيو إلى 26 يونيو، قرار كويس، خاصة إن منهج اللغة الإنجليزية مكنش لسه نزل لحد بداية الترم التاني، وهيكون قدام الطلاب فرصة شهرين يتأقلموا مع إلغاء نظام الأوبن بوك، لكن المشكلة في طلاب الصف الأول والثاني الثانوي اللي اتلغى من عندهم أوبن بوك، وامتحاناتهم بعد العيد مباشرة، لكن نصيحتي: دي في النهاية سنة نقل، انجح وركز في اللي بعده.
= التصحيح في امتحانات 3 ثانوي، إلكتروني بالكامل (زي السنة اللي فاتت بالظبط)، وهيكون في كل لجنة امتحان أربع نماذج من نفس أسئلة الامتحان، لكن ترتيب الأسئلة مختلف.. السؤال اللي معاك رقم 5 هيكون مع اللي قدامك رقم 19 مع اللي وراك رقم 25 وهكذا، لكن نفس الامتحان.. وهيكون لكل نموذج أسئلة، نموذج خاص بيه في التصحيح.
= بالنسبة للصفين الأول والثاني الثانوي، فيه ناس كتير مش فاهمة الجدول.. باختصار شديد، انت هتروح الصبح الامتحان هتستلم ورقة أسئلة فيها كام سؤال مقالي، هتجاوب عليهم بخط إيدك وتسلم الإجابة للمراقب، وتطلع فسحة ربع ساعة وتدخل تاني تبدأ تحل باقي أسئلة امتحان نفس المادة (اللي هتكون على التابلت).. علشان كده الامتحان 70% من أسئلته إلكترونية و30% ورقية.
= لو السيستم الإلكتروني وقع منك وانت بتحل الـ 70% أسئلة إلكترونية متقلقش، هيكون فيه نسخ ورقية في كل لجنة تحسبا لأي مشكلة تقنية، وبعدين انت أثبت حضورك إنك جاوبت على الأسئلة الورقية، يعني الوزارة ملزمة تديك حقك كاملا لو فيه مشكلة تقنية معقدة.
= لو بتفكر تغش بالتابلت، بلاش.. نصيحة بلاش.. لأنك لو حاولت تدخل على أي منصة أو موقع أو تبحث عن حاجة، الامتحان هيقفل منك كده ومش هتعرف ترجع له تاني، لأن المنصة الجديدة السيستم بتاعها كده.
= لو انت طالب مدرسة ثانوية حكومية مجهزة بالإنترنت، فانت هتمتحن في مدرستك فترة صباحية، أما لو كنت طالب في مدرسة خاصة أو خدمات فانت هتمتحن في مدرسة حكومية مجهزة بالإنترنت ولكن فترة مسائية.
= الوزارة هتصحح الـ 70% أسئلة إلكترونية اللي كانوا على التابلت، وهتبعت الدرجات بتاعتهم للمدرسة تحط عليهم درجات الأسئلة المقالية وتعلن النتيجة، لأن المدارس هي اللي هتصحح الأسئلة المقالية وهتعلن النتيجة النهائية.
= امتحانات أبناؤنا في الخارج (من 4 ابتدائي إلى 2 ثانوي) بدون درجات، الطالب هياخد اجتياز أو عدم اجتياز، وأعتقد يعني كله اجتياز إلا اللي محضرش أصلا، ولما يبقى يرجع مصر هيتعمل له امتحان تحديد مستوى.
=  بالنسبة لامتحانات المواد اللي لا تضاف للمجموع في الصف الأول والثاني الثانوي، حكومي أو خاص أو متميز، المدرسة هي اللي هتتعمل الامتحانات في المواد غير الأساسية والمستوى الرفيع.. داخل لجان في المدرسة، مش في البيت.
= بالنسبة لامتحانات مواد الهوية القومية لطلاب المدارس الدولية (اللغة العربية، الدراسات الاجتماعية، التربية الدينية، التربية الوطنية)، فهي هتكون ورقية بالمدرسة.
= طلاب مدارس المتفوقين والطلاب المكفوفين لا تغيير في أي شيء يخصهم.
= بالنسبة للتشعيب:
= التشعيب مستمر السنة الجاية، يعني الطالب اللي بيدرس حاليا في الصف الثاني الثانوي، لما هيروح سنة تالتة، هيكون من حقه يختار (علمي علوم أو علمي رياضة)، لأن إلغاء التشعيب محتاج موافقة المجلس الأعلى للتعليم قبل الجامعي، وده بينعقد في نهاية الصيف، وهيكون مستحيل تعديل كل المناهج.. وحاجة تانية إن إلغاء التشعيب هيترتب عليه حاجات كتير خاصة بالمجلس الأعلى للجامعات والتنسيق، يعني موضوع مش سهل يتلغي بكلمة، ثالثا وده الأهم: انت محتاج قبل ما تلغي نظام، إنك تتفق مع اللي لسه هيدخلوا مدارس ثانوية عامة إنك هتلغي، وتقولهم لما هتوصلوا للصف كذا مش هيكون فيه كذا.. بحيث يكون كل واحد عامل حسابه كويس ومرتب ظروفه.. وده الأقرب للتطبيق، ولكن باختصار: التشعيب موجود في العام الدراسي 2022- 2023.
= وإلى لقاء قريب إن شاء الله..
منقول
أ. احمد حافظ

________________________________________________
مناهج 2022 الجديدة
الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى