منتديات المعلم القدوة التعليمية
منتديات المعلم القدوة التعليمية
منتديات تعليمية

انضم إلى المنتدى ، فالأمر سريع وسهل

منتديات المعلم القدوة التعليمية
منتديات المعلم القدوة التعليمية
منتديات تعليمية
منتديات المعلم القدوة التعليمية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

اذهب الى الأسفل
عادل عبد الله
عادل عبد الله
عضو نشيط
عضو نشيط
ذكر عدد المساهمات : 45809
نقاط : 252752
تاريخ التسجيل : 05/04/2010
العمر : 49
الموقع : http://nahdtmesr75.blogspot.com/
يارب احفظ مصر

http://http:/kodwa1.com

قصة الباشا ابن الباشا بتاع امتحان الفيزياء بالثانوية العامة:" الصحفي  الأستاذ / أحمد حافظ Empty قصة الباشا ابن الباشا بتاع امتحان الفيزياء بالثانوية العامة:" الصحفي الأستاذ / أحمد حافظ

الثلاثاء 19 يوليو 2022, 23:17
قصة الباشا ابن الباشا بتاع امتحان الفيزياء بالثانوية العامة:" الصحفي  الأستاذ / أحمد حافظ


قصة الباشا ابن الباشا بتاع امتحان الفيزياء بالثانوية العامة:" الصحفي  الأستاذ / أحمد حافظ 29451610


قصة الباشا ابن الباشا بتاع امتحان الفيزياء بالثانوية العامة:" الصحفي  الأستاذ / أحمد حافظ 29420110
قصة الباشا ابن الباشا بتاع امتحان الفيزياء بالثانوية العامة:" الصحفي  الأستاذ / أحمد حافظ 29470010


= فاكرين الواقعة دي؟. الواقعة دي ياسيدي كانت لشخص قام بتصوير ونشر أسئلة امتحان مادة الفيزياء للثانوية العامة من داخل سيارة خاصة، زي ما حضراتكم شايفين كده.. وكلنا كنا بنسأل مين الباشا ابن الباشا اللي كان بيمتحن في العربية ومشغل التكييف.. لأن الباشا ابن الباشا ده كتب وقال: أنا مش زي أي حد علشان امتحن في لجنة، أنا باشا ابن باشا بمتحن في العربية، وبعد ما امتحنت سلمت الورقة ومشيت على البيت زي الباشا.
= عايز أقول لحضراتكم إن التحقيقات في الواقعة دي انتهت خلاص، وحقيقة الباشا ابن الباشا ظهرت.. الواقعة دي شارك في التحقيق فيها الشؤون القانونية في وزارة التربية والتعليم اللي جابت القصة من أولها لآخرها، وعملت فيها شغل محترم لحد ما وصلت للحقيقة.. والنيابة العامة هي كمان بتحقق، وفوق ده كله، الأجهزة الأمنية اللي قامت بدور محترم في الموضوع.
= القصة باختصار: الطالب الباشا ابن الباشا ده، اتمسك يوم امتحان مادة الديناميكا بموبايل وسماعة في ودانه، وقام بتصوير ونشر أسئلة الديناميكا، فالوزارة عرفت إن هو اللي صور ونشر، فاتصلت بالأخ رئيس اللجنة قالت له عندك طالب اسمه كذا كذا، فتشه هتلاقي معاه موبايل، لأنه صوّر ونشر الديناميكا، وفعلا راح الأخ رئيس اللجنة مسك الطالب وكان معاه الموبايل والسماعات، واتعمل له محضر غش (يعني المفروض يسقط سنتين).
= المهم ياسيدي، راح الباشا ولي أمر الطالب لرئيس اللجنة، وقاله بقولك إيه، انت تاخد كام وتبوظ المحضر بتاع ابني في الديناميكا، وتضيع الأحراز بتاعت القضية دي (اللي هي التليفون والسماعة)، بحيث الطالب يخرج منها زي الشعرة من العجينة في التحقيقات، ويكمل باقي امتحاناته عادي جدا، وينجح ويتقفل على موضوع الديناميكا بالضبة وبالمفتاح.
= المهم ياسيدي، الباشا رئيس اللجنة وافق، وقاله تمام، اعتبر الموضوع خلصان، وهنبوظ الأحراز والمحضر بتاع الديناميكا، وابنك ينجح في المادة دي.. المهم ولي الأمر قاله: طب بقولك إيه؟. ما تديني كمان ورقة امتحان فيزياء يوم امتحان الفيزياء علشان أغشش ابني من خلالها، يعني ابني هيكون قاعد جوه وأنا أحلها وأبعتهاله مع أي حد، المهم أنا هتصرف.
= راح الباشا رئيس اللجنة وافق على طلب الباشا ولي الأمر، وقدم له عرض حلو، أنا هديك ورقة الفيزياء، وهبوظ محضر الغش بتاع ابنك في الديناميكا، مقابل كذا.. الباشا ولي الأمر وافق، وفعلا خد ورقة الفيزياء يوم امتحان الفيزياء وراح قعد في العربية صورها وهو قاعد في التكييف، ونشرها على صفحات الغش، وقال إيه: أنا الباشا ابن الباشا اللي بيمتحن في العربية في التكييف، مع إن ابنه كان قاعد جوه في اللجنة بيمتحن في اللجنة، وصاحبك بقى صور الامتحان ونشره، وراح سلم ورقة الامتحان لرئيس اللجنة تاني، علشان الموضوع ميتكشفش، وعلشان الوزارة لما تقوله الورقة دي اتصورت ازاي، يقولهم لا محصلش، دي الورقة أهي محدش صورها يافندم.
= المفارقة، إن ابن الباشا ده يوم امتحان الفيزياء لا اتمسك معاه موبايل، ولا كان معاه وسيلة غش، وأبوه اللي عمل كده.. الولد فعلا كان حاضر، وماضي حضور جوه اللجنة، بس خلاص بقى.. الباشا ابن الباشا ده، هيسقط سنتين كاملين، ويدخل الامتحانات بقى على 2024 (لأنه صور امتحان الديناميكا) والباشا رئيس اللجنة مشرف في النيابة العامة دي الوقت وهيتحبس، والباشا ولي الأمر اللي كان قاعد في العربية في التكييف وبيقول أنا مش زي أي حد بمتحن في عربيتي.. هو كمان مشرف في النيابة العامة، وعقوبته أقل حاجة: الحبس من 3 إلى 7 سنوات، وغرامة 200 ألف جنيه.
= قصة سخيفة آه، لكنها عجيبة جدا: المسؤول اللي مؤتمن على الامتحانات طلع مرتشي (باعترافاته في التحقيقات)، والأب اللي مفروض يربي ويعلم ويكون قدوة، بيدفع رشوة علشان يغطي على جريمة ابنه في تصور ونشر امتحان، وبدل ما يسكت لما رئيس اللجنة قبل إنه يظبط الموضوع، راح بكل جبروته يصور امتحان وينشره علشان يستفز الدولة والطلاب وأولياء الأمور، ويخللي الكل يقول مين الباشا ابن الباشا اللي بيمتحن في العربية.. أديك شرفت في السجن وهتدخل امتحان في حياتك ما دخلته ولا كنت هتدخله، لو قررت تعيش محترم وبني آدم.. ضيعت ابنك وضيعت أسرتك وضيعت نفسك لهدف دنيء.. خللي فلوسك تنفعك.
= ودي ياسيدي قصة الباشا بن الباشا بتاع امتحان الفيزياء.

________________________________________________
جاري تحميل مناهج 2024 كل الفرق
الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى