منتديات المعلم القدوة التعليمية
منتديات المعلم القدوة التعليمية
منتديات تعليمية

انضم إلى المنتدى ، فالأمر سريع وسهل

منتديات المعلم القدوة التعليمية
منتديات المعلم القدوة التعليمية
منتديات تعليمية
منتديات المعلم القدوة التعليمية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

اذهب الى الأسفل
عادل عبد الله
عادل عبد الله
عضو نشيط
عضو نشيط
ذكر عدد المساهمات : 46038
نقاط : 253626
تاريخ التسجيل : 05/04/2010
العمر : 49
الموقع : http://nahdtmesr75.blogspot.com/
يارب احفظ مصر

http://http:/kodwa1.com

صاحب جريمة طالبة الزقازيق: قلت لسلمى واقعة نيرة أشرف مأثرتش فيكي ردت الموضوع ده مش هيخوفني Empty صاحب جريمة طالبة الزقازيق: قلت لسلمى واقعة نيرة أشرف مأثرتش فيكي ردت الموضوع ده مش هيخوفني

الخميس 18 أغسطس 2022, 19:58
صاحب جريمة طالبة الزقازيق: قلت لسلمى واقعة نيرة أشرف مأثرتش فيكي ردت الموضوع ده مش هيخوفني


صاحب جريمة طالبة الزقازيق: قلت لسلمى واقعة نيرة أشرف مأثرتش فيكي ردت الموضوع ده مش هيخوفني 951_we10
كشفت التحقيقات في قضية مقتل الطالبة سلمى بهجت فتاة الزقازيق، التي قتلت على يد زميلها إسلام محمد، تفاصيل ما أدلى به المتهم من اعترافات أمام جهات التحقيق.


قضية مقتل الطالبة سلمى بالزقازيق
ويواصل القاهرة 24 نشر نص تحقيقات قضية مقتل الطالبة سلمى بالزقازيق، حيث أمر المستشار حمادة الصاوي النائب العام، بإحالته إلى محكمة الجنايات المختصة؛ لاتهامه بقتل الطالبة سلمى بهجت عمدًا مع سبق الإصرار والترصد، وحددت جهات التحقيق جلسة 4 سبتمبر المقبل أولى جلسات محاكمة المتهم.


نص تحقيقات قضية مقتل الطالبة سلمى
وقال المتهم بقتل سلمى بهجت في التحقيقات بعد سؤاله عن اسمه، فأجاب: أنا بدأت أهدد سلمي إني هقتلها لو هی بعدت عنى وكانت بتخاف وترجع كويسة معايا لكن بترجع تانى ترفض استمرار علاقتنا وفي مرة من المرات حضرت محاضرة في الجامعة ورغم إنى قولتلها أن المحاضرة مش مهمة فتأكدت إن هي بتتهرب منى وفى أكتر من مرة بهددها فكانت بتهددني إنها هتبلغ الكمين اللى في الشروق اللى جنب الجامعة.


أقوال قاتل طالبة الزقازيق
وتابع المتهم بقتل سلمى بهجت طالبة الشرقية في التحقيقات: في مرة من المرات لما هددتني مشيت في طريق موازي ليها لحد ما وصلنا المواصلات اللى بتركبها وهددتها إني هقتلها ومش هسيبها تمشي وقالتلى إبعد عنى فأنا قولتلها مش هسيبك وركبت معاها العربية وهي نزلت عشان رافضة وجودی معاها في العربية ومسبتهاش غير لما قالتلى خلاص أنت عايز إيه فقولتلها عايزك معايا فقالتلى خلاص أنا هبقى معاك فأنا سبتها تمشي.


قضية مقتل طالبة الشرقية
وأكمل إسلام قاتل سلمى بهجت طالبة الزقازيق: لما جت امتحانات الترم التانى ليها كانت بتيجي يدوب على قد الامتحانات وتمشي وكانت بتسايرني في الكلام ومش بتعاند معايا عشان هي عارفة إنها لما تخلص الامتحانات مش هتيجي تاني وتاني يوم بعد آخر يوم في الامتحانات حصلت واقعة قتل نيرة فتاة المنصورة فاتصلت بيها وقولتلها شوفتي واقعة القتل اللى حصلت في المنصورة بتاعة نيرة مأثرتش فيكي فقالتلى متفتكرش إن الموضوع ده هيخوفني ومش هتقدر تعمل معايا حاجة فأنا قولتلها انتي ليكي صور معايا وهنزلها وهخلي الناس تتكلم عنك وساعتها قفلت السكة في وشي.


قتل الطالبة سلمى بالشرقية
وأردف قاتل سلمى بهجت بالتحقيقات: سلمي كان ليها مناقشة للمشروع بتاعها في الجامعة بتاريخ 29/9/2022 فأنا رحتلها على الجامعة وكان معايا مطواه وأنا كنت ناوي أقتلها في اليوم ده عشان ده كان أخر يوم أشوفها فيه وحاولت أتصل بيها ولقتها عملالى بلوك فالموضوع ده استفزني أكتر إنى أقتلها ودخلت الجامعة وسألت عن مكان مناقشة الرسالة بتاع القسم بتاعها لحد ما وصلتلها وشوفتها وقولتلها انتي عاملة بلوك ليا ليه فقلتلى إبعد عشان أبويا معايا ومينفعش تقف معايا وقالتلى ابعد عني أنا مش عيزاك فأنا هددتها إني أقتلها فهددتنى إنها هتبلغ أمن الجامعة ودخلت المدرج بتاع مناقشة الرسالة ودخلت قعدت وراها وكنت بفكر إني أضربها بالمطواه وأنا قاعد وراها بس مقدرتش أنفذ الفكرة واتصلت بوالدى وقولتله تعالى عشان بهجت والد سلمى موجود في الجامعة عشان تتكلم معاه وبعدين سلمى خرجت من الجامعة وأنا خرجت معاها لقيتها بتحاول تبعد عنى وهى ماشية وخصوصا لما شافت والدها نازل من على سلم المسجد اللى قدام الجامعة ومشيت مع أبوها وكان أبوها ماشي وراها عشان يحرصها منى خوفا إنى أعمل فيها حاجة وشافني ومدنيش أي اهتمام لحد ما لقيت والدي ووالدتي جايين ووقفنا إحنا الخمسة كلنا مع بعض أنا وأبويا وأمي وسلمى وأبوها وأنا قلت لأبوها إنى عايز أخطب سلمى وأتجوزها لأنى مش هسيبها غير لما أخطبها واتجوزها ووالدها كان رافض في الأول بسبب الوشم.

________________________________________________
جاري تحميل مناهج 2024 كل الفرق
الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى