لجميع المعلمين المستهدفين للترقي 2016/2017تغيير طريقة الدخول على صفحة الأكاديمية لتصبح بالايميل الموحد

بالنسبة للزملاء اللى بيدخلوا علي موقع الأكاديمية وبتظهر لهم ليس لك صلاحية الدخول لحل هذه المشكلة يجب أن يفعل البريد الالكترونى الموحد، حتى وإن كان مفعله من قبل، يبدو أنه تم إجراء تحديثات للموقع،
ومن ثم يمكنه تسجيل الدخول بالكود والرقم القومى وكلمة المرور ثم طباعة الإخطار.
خطوات تفعيل الإيميل
للتفعيل هتدخل علي الرابط ده :

https://office365.emis.gov.eg/
- هتختار حساب معلم اللي باللون الأحمر.
- هتفتح لك صفحة .
- هتكتب الرقم القومي بتاعك والكود . وتعلم علي مربع انا لست برنامج ريبوت وبعد كده تدوس علي التحقق من البيانات .
- هتفتح لك صفحة فيها اسمك ومدرستك وتحتها هيطلب منك تكتب رقم التليفون أو البريد الإلكتروني عشان هيبعتلك عليه كود التفعيل .
- وهتكتب كلمة السر الجديدة ولازم تكون 10 حروف كابيتال وسمول وأرقام ورموز .
- بعد كده تعلم علي أنا لست برنامج ريبوت.
- وتختار إرسال كود التفعيل عن طريق الإيميل اللي انت كتبته أو رقم المحمول .
- بعد كده هيجيلك مربع تكتب فيه كود التفعيل اللي وصلك علي الايميل أو رقم المحمول.
- وهتلاقي صفحة ظهرتلك بالايميل الموحد بتاعك وكلمة السر اللي انت كتبتها .
كده انت فعلت الإيميل بنجاح
بعد كده هتروح بقي علي موقع الأكاديمية بتاع ملف الإنجاز بتاعك
عشان تتابع ملف الإنجاز وتطبع إخطار التدريب .
هتدخل علي الرابط ده :
https://academy.emis.gov.eg/newTeachEdu/
وتكتب الكود والرقم القومي والباسورد بتاعك اللي بتدخل بيه عشان تطبع صحيفة الأحوال.
هتلاقي الموقع فتح معاك عادي وملف الإنجاز ظهر وإخطار التدريب ظهر وتطبعه عشان التدريب .
ملحوظة هامة :
- الناس اللي مفعلة الإيميل قبل كده من زمان
تدخل تفعله تاني عشان الموقع يفتح معاكم .
- لازم كل الناس تدخل تفعل الإيميل لأن اللي لسه مفعلش الايميل اسمه اتحذف ومش هيظهر في كشف مسؤول الإحصاء في المدرسة غير لما يفعل الإيميل .
أما اللي فعل الإيميل اسمه بيظهر عند مسئول الاحصاء في المدرسة.
- يعني أول ما تفعل الإيميل هتلاقي اسمك ظهر تلقائيا في كشف مسؤول الاحصاء في المدرسة. وهتلاقي الموقع فتح معاك عادي وملف الإنجاز ظهر وإخطار التدريب ظهر .
لطباعه الاخطار فعلا اتبعوا نفس الخطوات واللى فعل الايميل قبل كدا يفعله تانى هيطلعلك الاخطار بالتوفيق للجميع
ملحوظه .. كلمه السر لازم فيها حرف كابيتال وارقام ورموز زى # ومكونه من ١٠ خانات