أحلام ممنوعة

بطل تحلم تاكل لحمــــــه = دا حلم بجد حقيقى كبـير

أكل اللحمه مش من صالحك = دود ومرض وكلاب وحمير

ممنوع تحلم حتى ف نومك = ممنوع تحلم وأنت فقـير

لمَّا هتاكل لحمه هتصرف = عايز تحبس شاى وعصير

عايز تغسل إيد بصابونـة = وتطلب بكرا كباب وفطير

لمَا هتاكل لحمه هتشـــبع = يكبر ريشك عايز تطير

لما هتشبع رايح تفكـــــر = والتفكير تأثيره خطـــير

رايح تبقى يا سيدى مثقف = صوتك يعلى ف خط مسير

رايح تجيب صداع تزعجنا = تهلوس تحكى كمان أساطير

لمَّا تجوع هتنظم أســــره = مهدود حيل نعسان ف سرير

خليك تبقى جعان هنقودك = دا الجوع فن وليه تأثيـــر

تفضل ليل ونهار مشغول = وتحس الحلم معاك تبذيـر

بطل تحلم تاكل لحمــــه = بطل تحلم وأنت فقــــــير

جميلة جدا

تشترى أحلام

بتبيع الحلم بكام والذكرى الحلوة بكام

أحلام ممنوعة

أحلام ممنوعة

رد: أحلام ممنوعة